قصيدة العتيبي في مدح الحنس والبرزان

هذي قصيده قالها مشعل العتيبي يمدح فيها :
فراج العود الوسمي من المثقاب وابنه مضف
وابوهليل ( الحنس بن جلاس البرازي ابو محمد الحنس - ) والبرزان

يقول :
ياراكب ن من فوق حمرا معيدي
فج العضود ومشيها يبري الاوجاع
أزين من الي بالمهامل فريدي
واسبق من الي ماكره روس الاضلاع
اركب عليها وارتحل ياعضيدي
اسلم وسلم على آلاد مناع
عسا الاغناء ياتيلهم بالمزيدي
والفقرعنهم ناوين بالتقلاع
عسا لهم حظ ن جديد ن جويدي
وصغير ن دور السنه زايد ن باع
ملفاك من يروي شبات الهنيدي
ابوهليل ممتنا كل من جاع
الي جاره كل يوم ن جديدي
تسعين نعم عدهن بالتوقاع
وان جاء نهار ن فيه ضرب الحديدي
نحالوا التالي وضيع لياضاع
اختص اخو نمشه مروي الحديدي
إلي قلط بالرمح والملح ينزاع
ثم وردوا عد الركايب الجديدي
شافوا على الماء جمعة ن تبي الاطماع
ينخون من فعله جديد وجديمي
فراج زبن إلي من الحزم شكاع
ولد واصل إليا انحاز الضديدي
خلوا مناعير العدا تعطي الارواع
واليوم الاقشرعندهم تقل عيدي
وربع ن على الموت مراويح وقطاع
وإلي كذب يعل عمره يبيدي
بيبد العضام الي حدر سبع القاع

حاملها راعي الروسا

معيوفه البرازيه

السيدة معيوفه طبيبة شعبية معروفة في الكويت قديما والمملكة العربية السعودية .
وهي من البرزان وكانت تسكن في مدينة الجهراء شمال غربي الكويت العاصمة وهي تنتمي لعائلة اللويفي الكرام وهم من سكان الجهراء القديمة .

ساهمت معيوفة البرازية في علاج كثيرا من الامراض في ذلك الوقت وكانت سببا في انقاذ كثيرا من الارواح البشرية .

وقد اتقنت عملها في التداوي بالطب الشعبي لدرجة ان الناس ياتون من كل مكان للعلاج على يديها وكانت تعرف الكثير عن انواع الامراض المنتشرة في ذلك الوقت .
وكانت هذه السيدة تعالج من الجن كذلك .

كان البرزان في ذلك الوقت غير مستقرين في المدن الا القليل منهم وعند قدومهم للمدينة كانوا يتوجهون الى منزلها الذي لايخلو من الضيوف دائما .
كانت رحمها الله كريمة بل كانت في غاية الكرم الذي ورثتة من اجدادها البرزان ولم تتأثر بعادات اهل المدينة بل حافظت على سلمها وتقاليدها .
ومن الطريف انا نسمع الى الان ان الصديق اذا راى من صديقة شيئا غريبا اوتصرف غير طبيعي قال له ( ترى اوديك معيوفة )

الشاعر دعسان ابوعرف

الله بلانا........... مصيبه
لونها عوجا بعقله رضاها
من يستفز مطير راد نصيبه
مطير كل عارف مستواها
أرجالنا ماتنوخذ بالغصيبه
لا قيل حمران النواظر وراها
حنا ليا قمنا طلبنا نجيبه
من خلقت الدنيا ليا منتهاها
شجعان مافيهم تردد وهيبه
لوأنها طافت ما وخذت نساها
مطير ماترضى عليها غليبه
لاشبت الهيجا ودارت رحاها

الشاعر : دعسان ابو عرف البرازي

بين الشاعرين صنيتان البرازي وعواد الشمري

قال الشاعر/ صنيتان البرازي

آه يــــا عــواد ياوقتنــا الماضـي يــوم غفلات العرب والزمن فوضـــه
يوم نمشي مع صحاصيح وفياضي او بطينن ينصفق له على روضـــــه
جونا صافي ولا جتنا الامراضـــي والسحاب يعقرب البرق بعروضـــــه
مع جميـلات الوصايف والألفاضي كل وحده عن هل الشـين محفوضـه
لين شبنا والزمان ايبس لحاضـــي مايتناسب كبر سني مع الموضـــــه
راح عمري يابن شامان بالفاضي صرت مثل الضامي اللي انكفاحوضه
ان قعدت اونست بعظامي الشاضي وان وقفت أدوخ والنفس ممروضـــه


رد عليه الشاعر/ عواد حمود الشمري:

أبو ناصر من طنا الوقت مغتاضـــي من الزمن مهتال فحواه وغموضه
صير يا صنيتان بللي قسم راضــــي دام نفسك بأول العمر محظوظـــه
ثوب عايض ما يجي طول عواضـــي والزمن يجري والأكمام مقضوضـه
لا تخايل برق مزن حدر ياضـــــــــي من حدر قلله لعله ورى نوضـــــــه
اتعض من سيرة محمد القاضــــــــي يوم جسمه ما يساعد على نهوضه
كبر سنه عيفه نجل الأحاضــــــــــي قام يغضي عن نظر زاهي قروضه
سلم وخلك مع أيامك رياضــــــــــي وبينا بياعت الهرج مرفوضـــــــــه

هذي طوارف عرب نفود

الحميدي بن غنيم ونفود
كان البرزان و(........) بالصمان بالغيض ثم ربعوا بالوسم مع بعض ،
وشاف شاعرنا ( نفود) واعجب بها وبجمالها
يقول الحميدي بن غنيم :
يا مرحبا يا عرب نفود
جونا من القفر مطخيني
شبه وضحه على مفرود
ومحيله لها زمانين
عذارى بعيد عن المنقود
غير الحلا مذهب ( ن) زيني
المسك الأبيض بدهن العود
في جرة شافته عيني
اسمير قامح وأنا مطرود
غير العنا ما حصل شيني


وسلامتكم

بعض قصايد الشاعر عبدالله مزيد رحمه الله

البارحة وسط نايف تقل مسجوني
ماذقت النوم لي فضاح الاصباحي
تكفون ياهل الفروت الحمر مروني
تراي ابي اروح لو ماقلتو ارواحي
وليا وصلتوصخيف الروح وطوني
لعلها سفرتلك درب الافلاحي












يراكب اللي لاعشق على الثاني
صدره تعلاتقل بالونش مرفوعي
اربعه وستين والسواق فناني
مايرتبش لو يجي تغاريز وطلوعي
هو منوه اللي على المطراش شفقاني
لاصار تهريب والمظهار ممنوعي
يابن سند قرب الموتر على شاني
ازريت بالدائره لاقزر اسبوعي
الله على سجة في نزل برزاني
يرتاح بالي لاسيرت لربوعي
ذباحت الحيل لي من الدهر شاني
لاجاء المعاند يخلون الصعب طوعي

لواحلالاه ياواحد وستيني
توه على جددته بأيام تمرينه
توه يمرن يجي مدة اسبوعيني
اسبق من اللي يرفرف في جناحينه
هو منوة اللي على المطراش ناويني
الظهر ماشي من الشيشه معبينه
والعصر مع حمرت الظيرين شابيني
وقت العشا عند ابو مذكر امدنينه

قصيدة مدر للشاعر مطلق الهيلم الحنايا ب خالد خلوي الميموني

أنا أشهد أنك يابو خلف تجملت...
...جمالتك وصلت وأنا منك ممنون
عندي خبر من موقفك يومك أعلنت...
...في طول صوتك والمخاليق يوحون
يابو خلف من عقبها قمت مانمت...
...أطلب عساك بجنة الخلد مضمون
يابو خلف طيب وبالطيب برهنت...
...ويشهد لك التاريخ والناس يدرون
حقك على راسي واباقول لاهنت...
...حيث أنت من ربعً على الطيب يرسون
يابو خلف في موقف الطيب كملت...
...كلٍ يبي مثلك ولاشك يزرون


قصيدة الشاعر /مطلق الهيلم الحنايا